बाँके । पूर्व प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आज बाँकेको राप्ती नदीको कटान क्षेत्रको स्थलगत निरीक्षण गर्नु भएको छ ।
तटबन्धन निर्माण नहुँदा फत्तेपुर वडा नं. ७ र नरैनापुर क्षेत्र प्रभावित हुँदै आएको छ । सोही क्षेत्रमा प्रचण्डले तत्काल हुनसक्ने क्षतिको न्यूनीकरण (ड्यामेज कन्ट्रोल)का लागि उपलब्ध बजेटबाट काम अघि बढाउन आयोजना प्रमुखलाई निर्देशन दिनुभएको छ।
त्यस्तै थप बजेट का लागि पनि आफुले यस क्षेत्रका लागि पहल गर्ने प्रतिबद्धता पनि व्यक्त गर्नुभयो ।
माओवादी केन्द्रले सञ्चालन गरेको तराई मधेश जागरण अभियान अन्तर्गत बाँकेको राप्ती सोनारी गाउँपालिकाको फत्तेपुरमा आयोजित कार्यक्रममा सहभागी हुन त्यहाँ पुग्नु भएको हो ।
पूर्व मन्त्री माओवादी स्थायी समितिका सदस्य महेश्वर गहतराज अथक, पूर्व उपसभामुख पूर्णाकुमारी सुवेदी, पूर्व लुम्बिनी प्रदेशमन्त्री कृष्ण केसी नमुना र वडा नम्बर सातका वडाध्यक्ष रामलखन थारूले राप्ती नदीले गर्दै आएको कटान, डुबान र तटबन्ध निर्माण नहुनुका बारेमा अध्यक्ष प्रचण्डसमक्ष जानकारी गराएका थिए ।
बिहानीको तारा । १४ बैशाख २०८२, आईतवार २१:४७