बर्दिया । बर्दिया जिल्लाको बढैयाताल गाउँपालिका वडा नं. ६ मैनापोखरबाट दुई जना लाई मैनापोखरबाट खटिएको प्रहरीको टोलीले लागु औषध सहित नियन्त्रणमा लिएको छ ।
मैनापोखरबाट प्रहरी निरीक्षक राजेश शाहुको कमाण्डमा खटिएको प्रहरीको टोलीले आज हुलाकी सडक खण्डमा सवारी साधन चेकजाँच गर्ने क्रममा गुलरियाबाट नेपालगंज तर्फ जाँदै गरेको भे १ ख ४२४७ नम्बरको फोर्स गाडीलाई चेकजाँच गर्दा लागु औषध फेला परेको जिल्ला प्रहरी कार्यालय बर्दियाका प्रहरी निरीक्षक तथा प्रवक्ता कृष्ण डाँगीले जानकारी दिनुभयो ।
उहाँका अनुसार ‘प्रहरीले नियन्त्रणमा लिएका मधुवन नगरपालिका वडा नं. ८ गाउँ नं. १ बस्ने बर्ष २५ को माधव चन्द र सोही ठाउँ बस्ने बर्ष २४ को अर्जुन कुँवरलाई शंकाको आधारमा चेकजाँच गर्दा उनीहरुको साथबाट २४ ग्राम १०० मिलि ग्राम लागु औषध सहित नियन्त्रणमा लिई उनीहरुलाई बर्दिया जिल्ला अदालतबाट ५ दिनको म्याद थपि इलाका प्रहरी कार्यालय मैनापोखरमा राखी अनुसन्धन भैरहेको छ ।’
बिहानीको तारा । ३ चैत्र २०८१, सोमबार २१:४९