काठमाडौँ : कमेरो खबर डटकमका सम्पादक गजेन्द्र गुरुङ सम्मानित भएका छन् । काठमाडौंमा शनिबार आयोजित प्रेस सेन्टर नेपालको पाँचौँ राष्ट्रिय महाधिवेशनका अवसरमा गुरुङ उत्कृष्ट पत्रकारका रुपमा सम्मानित भएका हुन् । लुम्बिनी प्रदेशबाट उत्कृष्ट पत्रकारका रुपमा क्रियाशील पत्रकारिता पुरस्कारबाट उनलाई सम्मान गरिएको हो ।
गुरुङ नेपाल आदिवासी जनजाति पत्रकार महासंघ लुम्बिनी प्रदेश अध्यक्ष, गोरखापत्र सम्वाददाता, मिसन टुडे दैनिकको डेस्क सम्पादक र गुडन्युज राष्ट्रिय साप्ताहिकको कार्यकारी सम्पादक समेत छन् । गुरुङसहित कोशी प्रदेशबाट ईश्वर थापा, मधेस प्रदेशबाट विकास आर्य ठाकुर, वागमती प्रदेशबाट सिर्जना गोले, गण्डकी प्रदेशबाट सानेबहादुर नेपाली, कर्णाली प्रदेशबाट दीपबहादुर घर्ती, सुदूरपश्चिम प्रदेशबाट हरी जोशी, उपत्यकाबाट बिनोद दाहाल, एसोसिएटबाट डब्बु छेत्री, प्रतिष्ठानबाट रघुनाथ बजगाई र प्रवासबाट केजीन राईलाई उत्कृष्ट पत्रकारका रुपमा सम्मान गरिएको छ ।
उक्त कार्यक्रममा कृष्ण सेन इच्छुक स्मृति पत्रकारिता पुरस्कारबाट कोमल बराल, शक्तितारा स्मृति पत्रकारिता पुरस्कारबाट धर्मेन्द्र कर्ण र बेपत्ता योद्धा स्मृति पत्रकारिता पुरस्कारबाट मन्जीमा ढकाललाई सम्मान गरिएको छ । त्यसैगरी उत्कृष्ट प्रदेशका रुपमा मधेस प्रदेश समिति र उत्कृष्ट जिल्लाका रुपमा रोल्पा जिल्ला समिति सम्मानित भएका छन् । कार्यक्रमका प्रमुख अतिथी एवम् पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले प्रमाणपत्र र पुरस्कारसहित दोसल्ला ओढाएर सम्मान गरे ।
बिहानीको तारा । १६ चैत्र २०८१, आईतवार ०९:५४