बाँके। प्रतिनिधि सभा सदस्य पदका लागि बाँके क्षेत्र नं. १ मा चुनावी माहोल तातिँदै जाँदा राप्तिसोनारी गाउँपालिकामा भने एउटा स्पष्ट सन्देश सुनिन थालेको छ । “काम गर्ने नेतृत्व चाहिन्छ, र त्यो नमुना नै हो।”
पूर्व मन्त्री कृष्णा केसी (नमुना) प्रति स्थानीय जनताको आत्मीयता र विश्वास दिनानुदिन बलियो बन्दै गएको छ। गाउँ–बस्तीमा हुने भेटघाट, छलफल र घरदैलो कार्यक्रममा देखिएको उत्साहले उहाँको पक्षमा जनलहर उर्लिएको संकेत गरेको छ।
स्थानीयवासीहरू विगतका कामलाई आधार मानेर मूल्यांकन गरिरहेका छन्। शिक्षा, स्वास्थ्य, ग्रामीण सडक स्तरोन्नति र महिला सशक्तीकरणका क्षेत्रमा उहाँले अघि सारेका योजनाहरू अहिले पनि उदाहरणका रूपमा स्मरण गरिन्छन्। “नेता धेरै आए, तर काम गरेर देखाउने थोरै भए। नमुना जीले परिणाम दिनुभयो,” राप्तिसोनारी–५ का एक ज्येष्ठ नागरिकले भने।
युवाहरूको सहभागिता विशेष रूपमा देखिएको छ। रोजगारी, सीप विकास र पूर्वाधार विस्तारका विषयमा उहाँले देखाएको चासो युवापुस्ताले सकारात्मक रूपमा लिएको बताइन्छ। स्थानीय युवा सन्तोष चौधरी भन्छन्, “हामीलाई आश्वासन होइन, उपलब्धि चाहिएको हो। नमुना जीसँग त्यो क्षमता छ।”
महिला समूहहरू पनि उहाँप्रति आशावादी देखिन्छन्। महिला अधिकार र सहभागिताका मुद्दामा खुलेर बोल्ने र पहल गर्ने नेताको रूपमा उहाँलाई स्मरण गरिन्छ। “हाम्रो आवाज संसदसम्म पुर्याउने भरोसायोग्य नेतृत्व नमुना नै हो,” एक महिला अगुवाले बताइन्।
राजनीतिक विश्लेषकहरूका अनुसार, व्यक्तिगत सादगी, जनतासँगको प्रत्यक्ष सम्बन्ध र विकासमुखी दृष्टिकोण नै उहाँको मुख्य शक्ति हो। विगतको कार्यकालमा देखिएको सक्रियता र परिणाममुखी कामले मतदातामा विश्वास जगाएको छ।
चुनाव नजिकिँदै गर्दा बाँके क्षेत्र नं. १ को चुनावी समीकरण रोचक बन्दै गएको छ। तर राप्तिसोनारीको जनमत हेर्दा, पूर्व मन्त्री कृष्णा केसी (नमुना) प्रति देखिएको समर्थनले चुनावी परिणाममा निर्णायक प्रभाव पार्ने संकेत स्पष्ट देखिन्छ।
अहिले गाउँ–बस्तीमा एउटै स्वर गुन्जिरहेको छ ।
“देखिएको कामको कदर गरौं, रोजाइ नमुना बनाऔं।”
सन्तोष कुमार बिष्ट । १४ फाल्गुन २०८२, बिहीबार १९:४४