नेपालगंज । नेकपा (माओवादी केन्द्र)का अध्यक्ष एवं पूर्व प्रधानमन्त्री पुष्पकमल दाहाल ‘प्रचण्ड’ले सरकारले गरिरहेको गतिविधिले कर्मचारीको मनोबल कमजोर पार्ने अनावश्यक दुख दिने, पुरकृत गर्नु पर्ने कर्मचारीलाई हटाउने जस्ता कामले गर्दा पनि प्रतिमनलाई फाईदा पुर्याएको बताउनु भएको छ ।
आज नेपालगंजमा प्रेस सेन्टर नेपाले गरेको पत्रकार भेटघाट कार्यक्रम उहाँले भन्नु भयो, ‘जसले यो समावेशी र समानुपातिलक संघियाता मन पराएका छैन तिनीहरुले कुनै न कुनै रुपले प्रहार गरिरहेको छ । अहिले जनताका असन्तुष्टि आक्रोष, र युवामा पनि देखिएको छ तर सरकार उल्टो बाटो तर्फ हिडिरहेको छ जस्तै कुलमान घिसिङ प्रकरणलाई लिन सकिन्छ । आफु नेतृत्व सरकाले गरेको बिश्वबिद्यालयमा गरेको मेरिटोक्रेसीको आधारमा नियुक्ति गरिएको हो । यो सरकारले कर्मचारीहरुको मनोबल कमजोर गर्ने, भ्रष्टाचारीको संरक्षण गर्ने र बिचौलीयाको पक्षमा मात्र काम गर्ने हो भने हामी सदन र सडकबाट प्रतिवाद गर्ने बताउनुभयो । सरकारको गतिविधिले पनि प्रतिगमनलाई फाइदा पुर्याएकोले गर्दा ठाउँको उठाउन बल पुगेको र प्रतिगमनलाई जनताले स्वीकार गर्दैनन।
अहिले प्रतिगमनलाई जनताले नचाहेको तर जनतामा निराशा व्यापक भएकोले यहि समयमा प्रतिगमनले ठाउँको उठाउन खोजेकोले हामी यसमा सजक छौ र कुनै व्यक्तिको लागि गणतन्त्र फालेर सत्ता हत्याउने सपना नदेखे हुन्छ ।कस्तो ब्यक्ति ल्याउन खोज्दै छन त्यो जनताले राम्रोसँग चिनेका छन । मुर्ति चोरेर पनि कसरी फिर्ता ल्याईएको भनेर जनताले देखेको बताउनुभयो ।
सरकारले सामाजिक न्याय र सुशासनको पक्षमा काम गर्यो भने मात्र हामी समिक्षा गर्न तयार हुने हो र फेरी पनि उल्टो बाटो हिड्ने गरेमा माओवादीले खबरदारी गरिरहने र जनतालाई साथमा लिई सबै खाले संघर्ष गर्ने बताउनुभयो ।
नेपाली काँग्रेस र नेकपा एमाले सच्चिएर आए पुन: गणतन्त्रवादी शक्ति एक हुने बताउदै प्रचण्डले आफु शान्ति सम्झौताको एक जिवित हस्ताक्षरकर्ताको नाताले पनि गणतन्त्र पक्षमा माओवादी सबै गणतन्त्रवादी शक्तिलाई साथमा लिई अघाडी बढ्ने दायित्व हाम्रै भएको बताउनुभएको छ ।
पत्रकारले सोधेको प्रश्नमा माओवादीको पहलमा गणतन्त्रवादीहरुको सरकारको नेतृत्व गर्ने अवसर पायो भने के सरकारको नेतृत्व गर्छ भन्ने प्रश्नमा ‘अध्यक्ष प्रचण्डले भने माओवादी केन्द्र २०८४ साल सम्म सरकारको नेतृत्व दावी पनि नगर्ने र सरकारमा पनि नजाने पार्टीले निर्णय गरिसकेको बताउदै, अब माओवादी जनतामा फर्किएको छ यो समयमा जनतासँग रहने बताउनुभयो ।
सन्तोष कुमार बिष्ट । २० चैत्र २०८१, बिहीबार २२:५४