३ भदौ २०८० नेपालगन्ज । नेपालगन्ज उद्योग वाणिज्य संघको अध्यक्ष पदमा समावेशी प्यानलका उम्मेदवार टंकबहादुर धामी विजयी भएका छन् ।
धामीले दुई हजार ४ सय ५६ मत प्राप्त गरी विजयी भएका हुन । उनका निकटतम प्रतिद्वन्द्वी साझा प्रजातान्त्रिक प्यानलका उम्मेदवार ललित कुमार रौनियारले एक हजार ५ सय ६६ मत प्राप्त गरेका थिए । पराजित भएका रौनियार भन्दा धामीले आठ सय ९० मत बढी प्राप्त गरेका थिए ।
कुल चार हजार १ सय ३२ मत खसेकोमा अध्यक्ष पदमा एक सय १० मत बदर भएको थियो ।
त्यसैगरी, सदस्यमा समावेशी प्यानलका ७ र साझा प्रजातान्त्रिक प्यानलका ३ जना विजयी भएका छन् ।
उपाध्यक्ष तीनजना, महासचिव, उपमहासचिव र कोषाध्यक्ष पदका लागि मतगणना जारी रहेको छ ।
बिहानीको तारा । ३ भाद्र २०८०, आईतवार २१:३६