२३ भाद्र २०७९ काठमाण्डाैं । नेपाली क्रिकेटर सन्दीप लामिछोनेविरुद्ध बलात्कार आरोप लागे पछि जिल्ला अदालत काठमाडौंले पक्राउ पूर्जी जारी गरेकाे छ । अदालतले नेपाल प्रहरीलाई आज पक्राउको अनुमति दिएको हो । एक नाबालिक किशोरीले बलात्कारको आरोपमा जाहेरी दिएपछि अनुसन्धानका लागि सन्दीपलाई पक्राउ गर्न प्रहरीले अदालतसँग अनुमति मागेको थियो ।
हाल क्रिकेट खेल्न वेष्टइण्डिजमा रहेका नेपाली राष्ट्रिय टोलीका कप्तानसमेत रहेका सन्दीपविरुद्ध एक १७ वर्षीय किशोरीले हिजो महानगरीय प्रहरी वृत्त गौशालामा बलात्कारको आरोपमा किटानी जाहेरी दिएकी थिइन् । त्यसलगत्तै अनुसन्धान थालेको प्रहरीले अदालतलाई भनेर पक्राउ पूर्जी जारी गराएसँगै अब सन्दीप नेपाल आइपुग्ने बितिक्कै समातेर थप अनुसन्धान गर्न प्रहरीलाई बाटो खुलेको छ ।
बिहानीको तारा । २३ भाद्र २०७९, बिहीबार १६:१५