२१ जेठ २०८० काठमाडौं । प्रतिनिधिसभाको बैठक आज बिहान ११ बजे बस्ने गरी बैठक बोलाइएको छ । आजदेखि सरकारको वार्षिक बजेटमाथि छलफल सुरु हुने भएको छ ।
बैठकमा अर्थमन्त्री डा. प्रकाशशरण महतले वक्तव्यसहित ‘आर्थिक वर्ष २०८०–०८१ को राजस्व र व्ययको वार्षिक अनुमान (बजेट)माथि सामान्य छलफल प्रारम्भ गरियोस्’ भनी प्रस्ताव प्रस्तुत गर्ने सम्भावित कार्यसूची तय भएको छ । यस्तै, बैठकमा विभिन्न शोक प्रस्ताव प्रस्तुत गर्ने सम्भावित कार्यसूची रहेको संसद् सचिवालयले जानकारी दिएको छ ।
बिहानीको तारा । २१ जेष्ठ २०८०, आईतवार ०७:३६