मब क्याम्पस नेपालगंज स्ववियु सभापतिमा अनेरास्ववियुका माधव खत्री निर्वाचित

९ चैत्र २०७९ नेपालगंज । पश्चिम नेपालकै पुरानो महेन्द्र बहुमुखी क्याम्पस नेपालगन्जको स्वतन्त्र विद्यार्थी युनियन(स्ववियु) संयुक्त प्यानलबाट सभापतिमा उम्मेदवारी दिएका अनेरास्ववियुका माधव खत्री निर्वाचित भएका छन । उनले निकटतम प्रतिद्वन्द्वी नेपाल बिद्यार्थी संघका जीवनराज सुवेदीलाई पराजित गरेको क्याम्पसका निर्वाचन अधिकृत ठण्डीराज जमरकट्टेलले जानकारी दिए ।

सभापतिमा खत्री सहित संयुक्त प्यानलै विजयी भएको छ । उनले निकटतम प्रतिद्वन्द्वी नेपाल बिद्यार्थी संघका सुवेदीलाई ९० मतान्तरले पछि पार्दै जित हासील गरेका हुन् । सुवेदीले ६ सय ६६ मत ल्याउदा खत्रीले भने ७ सय ५६ मत ल्यायका छन् । यस क्यम्पसमा स्ववियु सभापति पदका लागि ५ जनाले प्रतिस्पर्धा गरेका थिए ।

संयुक्त प्यानलबाट सचिवमा पदमा उम्मेदवारी दिएका अखिल (क्रान्तकारी)का हरेन्द्र बि.क. निर्वाचित भएका छन । उनका प्रतिद्वन्द्वी नेपाल बिद्यार्थी संघका नर्देव थारु पराजित भएका छन । हरेन्द्र बि.क.ले ९७६ मत ल्याउदा थारुले ६५६ मत ल्याएका थिए ।

संयुक्त प्यानलबाट काेषाध्यक्ष पदमा भरत बुढथापा निर्वाचित भएका छन । उनका प्रतिद्वन्द्वी नेपाल बिद्यार्थी संघका देवि रेग्मी पराजित भइन । संयुक्त प्यानललेनै बिजय हासील गरेकाे छ ।