४ असाेज २०८० नेपालगन्ज । नेपालगंज विमानस्थलबाट ३२ थान मोबाईल बरामद,सहित चार जना भारतीय नागिरक पक्राउ परेका छन ।बाँके प्रहरीले आज नेपालगंज विमानस्थलमा रहेको एक्सरे मेसिनमार्फत चेकजाँचको क्रममा करिब नौ लाख रुपैयाँ मूल्य बराबरको मोवाईल सेट बरामद गरिएको जिल्ला प्रहरी कार्यालय बाँकेले जनाएको छ ।
भारतको मध्यप्रदेश राज्य इन्दौर सुदामा नगरका अमित सोलंकीको साथबाट वान प्लस मोबाईल दुई थान, अप्पो मोबाईल दुई थान, रेलमी मोबाईल दुई थान, एमआई मोबाईल दुई थान गरी ८ थान, पागनिसपागाका सचिन कुकरेजाको साथबाट वान प्लस मोबाईल चार थान, अप्पो मोबाईल दुई थान, भिभो दुई थान गरी ८ थान, द्वारकापुरीका कमल बंसारीको साथबाट वानप्लस एक थान, भिभो दुई थान, रेडमी दुई थान, सामसुङ दुई थान, रेलमी मोबाईल एक गरी ८ थान र ब्लक काँलोगीका अमित सोलंकीको साथबाट वान प्लस मोबाईल चार थान, अप्पो मोबाईल एक थान, रेडमी एक थान, सामसुङ दुई थानसहित जम्मा ३२ थान मोवाईल बरामद गरिएको प्रहरीले जनाएको छ । बरामद गरिएका मोबाईल सेटसहित पक्राउ परेका चारै जनालाई आवश्यक कारबाहीका लागि नेपालगञ्ज भन्सार कार्यालय पठाइएको प्रहरीले जनाएको छ ।
बिहानीको तारा । ४ आश्विन २०८०, बिहीबार १३:२१