२५ साउन २०७९ काठमाडौ । यति अग्लो यति राम्रो घर नेपालको एक मात्र राष्ट्रिय ध्वजाबाहक विमान कम्पनी…. भन्दै कुनै बेला काठमाडौ बाहिरबाट आउनेहरुका लागि रमिता बन्थ्यो । त्यही घर ब्यापारीलाई जिम्मा लागाएर बायुसेवा निगमको उठिवास लगाउने प्रसंग चर्किदा सिहदरबार देखि न्युरोड सम्मै लफडा छ ।
अघिल्लो पर्यटन मन्त्री प्रेम आले देखीकै जोड हो न्युरोड छिर्ने मुखैमा रहेको नेवानीको उत्त भवन ब्यापारीको जिम्मा लगाउने र त्यसलाई भत्काएर ब्यापारीक कम्प्लेक्स बनाउने । यो कुरा नमान्दा कार्यकारी अध्यक्ष युवराज अधिकारी दोस्रोपटक हटाइएका छन । त्यस माथी उनको खाएर उनीबिरुदै लागिदिनेहरुका कारण अर्को तनावमा छन । त्यसो त युवराज आफै ३४ बर्ष त्यहीँ जागीर खाएर ५८ बर्षे उम्मेरहदका कारण दुई बर्ष पहिले रिटयर्ड भएका थिए । मन्त्रीले निगमको भवन ब्यापारीलाई दिन र भैरहवा एयरपोर्टको ग्राउन्ड ह्याण्डलिङ हामी गर्न सक्दैनौं, निजि कम्पनीलाई दिए हुन्छ भन्ने ब्यहोराको पत्र लेख्न निर्देशन दिदा उनले जवाफ दिएका थिए ‘ म यो अफिसमा ३४ अर्ष जागिर खाएको मान्छे हु । कुनै हालतमा सस्था डुवाउने काम गर्दिन । आफू कार्यकारी अध्यक्ष भएपछि निगमले ७ अर्व कमाइ गरेको , सन्चयकोषलाइ डेढ अर्व तिरेको भन्दै अधिकारी आफू काममा सफल भएको तर मन्त्रीहरुको उद्देश्य पूरा गर्न नसक्दा पटक पटक हटाउनु परेको बताउने गर्छन ।
उनले वायुसेवा अन्तर्गत करारमा मन्त्रीका ५० जना मान्छे राखिदिए तर एक जना पत्रकारले एयरपोर्टमा आफ्ना दुइवटा बिजुली बस राखिदिन र केही बस किनिदिन गरेको आग्रह पुर्याउन नसक्दा प्रत्येक हप्ता प्रताडित हुनु परेको छ ।
पत्रकारले बिमानस्थलमा यात्रु ओसारपसारका लागी बिजुली बस राखिदिए आफुलाइ एक करोड रुपैयाँ कमिसन आउने बताएका थिए । त्यही कुरा तत्कालीन महाप्रबन्धक डिम प्रसाद पौडेलले नमान्दा उनिविरुद्ध समाचार लेखेको भन्दै युवराज अधिकारीले पनि नमान्दा त्यसरी नै ठोक्ने भन्दै धम्क्याइएको अडियो रेकर्ड अहिले नेवानी भित्र छ्याप्छाप्ती छ । निगममाथी विभिन्न शक्ति केन्द्रको दोहन कस्तो भने मन्त्रीले नेवानीको जहाजलाई डोटि बझाङमा चाटर्ड गरिदिन भने बिभागिय मन्त्रीले भने पछि मान्नै पर्थ्यो । यो उडानको समय डेढ घण्टाको हो । त्यसको आम्दानी डेढ दुई लाख रुपैया हुनुपर्ने हो । त्यस्तो चार्टर उडान पोखरा जोमसोम सेक्टरमा गर्दा दुईतर्फ ५४ मिनेट लाग्छ । एक लाख ४५ हजार आम्दानी हुन्छ । युवराजले त्यस्तो आम्दानी गराएका छ्न । हालै अष्ट्रेलियाका लागि राजदूत नियुक्त भएका कैलाशराज पोखरेल दम्पति सित्तैमा रारा धुम्न गए । त्यसो गर्दा पैसा त तिरिएन नै उल्टै निगमको भोजपुर लुक्ला सेक्टरका ७ वटा उडान रद्द हुन पुग्यो । पछि जनआस्थामा यसबारे समाचार छापिएपछी लाज-गाल टार्न ७२ हजार तिरियो । भनिन्छ यो समाचार दिएको भन्दै नेताहरू युवराज सग रिसाए ।
युवराज अध्यक्ष भएपछिको अर्को प्रगति हो, नेवानीको कोषमा आठ महिनाअघि ६० करोड थियो, अहिले आम्दानी बढेर सात अर्ब पुगेको छ । पहिला एयरबस थ्री ट्वेन्टए सात घण्टा र थ्री थर्टीले चार घण्टा उडान भर्थे । अहिले थ्री ट्वेण्टी १६ र थ्री थर्टी ११ घण्टा उड्छन । यसरी निगमको अकुपेन्सी दर पहिला ६० प्रतिशत भियो अहिले ९० प्रतिशत पुगेको बताइन्छ ।
दुबैको टिकट एक महिना अघि नै हाहाकार हुन थालेको छ । नयाँ सेक्टर खुलेका छन पहिला मदन खरेललाई लेखेट्ने र डिमप्रसाद लाई महिनौ अफिस छिर्न नदिने यिनै कर्मचारीले उनैलाई अदालत बाट अन्तरिम आदेश लिएर आउनासाथ फुलमालाले स्वागत गरेका छन ।
निगमको भवनमात्रै ब्यापारीलाई दिन भनिएको थिएन मुख्य आम्दानीको स्रोतका रुपमा रहेको त्रिभुवन अन्तर्राष्ट्रिय बिमानस्थलको ग्राउन्ड ह्यायाण्डलिङ समेत निजि कम्पनीलाई बुझाउन लागिएको थियो । त्यसबाट वर्षको पाँच अर्ब आम्दानी हुन्छ । नेवानि डुवाउने धन्दामा सचीव महेश्वर न्यौपाने मात्र नभइ सहसचिव होम लुइँटेल र नागरिक उड्डयन महाशाखा हेर्ने सहसचिव बुद्धिसागर लामिछाने पनि संग्लन रहेको र हालै पर्यटन मन्त्रालयबाट घुस रकम सहित समातिएका उपसचिव प्रमोद नेपाल सँग यिनको साँठगाठ देखिएको अख्तियार स्रोत बताउन्छ । बाकी तथ्य त अख्तियारले छिरेर हर्दा छर्लग भैहाल्छ । स्रोत :- जनआस्था बाट
बिहानीको तारा । २५ श्रावण २०७९, बुधबार १६:३४